Кодекси > За нас

За нас

1.	Секоја постапка на вработените од Хоризонти при вршење на работните активности мора да биде лишена од лични интереси од било кој тип и во согласност со усвоениот Конфликт на Интереси.
2.	Хоризонти се обврзува дека сите информации релевантни за одобрување на кредитот, а добиени од страна на клиентите ќе ги третира како доверливи. Било која од доверливите информации кои клиентот ги дал за себе или за своето работење во постапката на одобрување или во текот на отплата на кредитот, нема да бидат на било кој начин откриени, освен доколку клиентот даде своја писмена согласност или во случај да откривањето на таквите информации е задолжително по закон.
3.	Хоризонти има право да ја проверува кредитната историја на потенцијалниот корисник на услуги или членови на неговото потесно семејство како и доставување на информации за неговите обврски према Хоризонти, на овластени институции исклучиво со негова писмена согласност.
4.	Вработените во Хоризонти се должни пред клиентот да го потпише договорот да го запознае со сите права и обврски кои произлегуваат од договорот, сите поими и термини кои се од значење за неговите права и обврски како клиент на Хоризонти.
5.	Вработените на Хоризонти ќе обрнат посебно внимание на лицата кои од било која причина би можеле да имаат потешкотии со разбирање на правата и обврските кои произлегуваат од договорот (пример: инвалидни лица, неписмени лица и слично).

Принципи за заштита на клиентите

Принципите за Заштита на Клиентите ја опишуваат минимум заштитата што клиентите треба да ја добиваат од Хоризонти. Овие принципи се општо прифатени принципи во светски рамки од страна на голем број учесници кои имаат допирна точка со микрокредитирањето и клинетите на микрокредитните организации. Основните 6 (шест) Принципи за Заштита на Клиентите се:

1.	Избегнување на презадолженост; Хоризонти ќе превземе реални мерки и чекори да обезбеди дека кредитот ќе се одобри само доколку клиентот демонстрира адекватана способност за враќање на истиот, и дека износот кој е одобрен од страна на Хоризонти нема да го изложи должникот на значителен ризик од презадолженост.
2.	Транспарентен приказ на условите; Севкупните трошоци поврзани со кредитниот продукт (камата, провизии, трошоци за обработка и др.) рокот на враќање, и другите услови ќе бидат транспарентно прикажани и склучени во договорите на адекватен начин разбирлив за клинетите.
3.	Исправни практики за наплата; Практиките за наплата на долговите од страна на Хоризонти нема да бидат злоупотребени, или со употреба на присила и изнуда.
4.	Етичко однесување на персоналот; Вработените на Хоризонти ќе се однесуваат во согласност со етичките стандарди при интеракција со клиентите, а организацијата ќе осигура присуство на адекватни заштитни механизми за откривање и спречување коруптивни дејствија и погрешно третирање на клинетите.
5.	Механизми за исправање на неправди; Хоризонти ќе воведе механизми за навремено известување по основ на поплаки од страна на клиентите како и за решавање конфликтни и проблематични ситуации.
6.	Заштита на личните податоци; Ќе се почитува приватноста на личните податоци на клиентот и истите нема да се користат за други цели без изречна согласност и одобрение од страна на клиентот.